SMART Connector for Stream Telecom: CRM sisteminin Ukraynanın telekommunikasiya operatoru ilə yeni inteqrasiyası

Texnologiyalar müştərilərinizlə kommunikasiyanın qurulmasında getdikcə daha çox əsas rol oynayırlar. Müştərinin rəğbətini və etibarını qazanmaq getdikcə çətinləşir, lakin qazandıqlarınızı bir neçə dəqiqə ərzində itirmək mümkündür. Bu vəziyyətin uğurunuza mane olmasının qarşısını almaq üçün prosesləri vaxtında avtomatlaşdırmaq və təkcə müştəri xidmətlərinə deyil, həm də komandanız üçün texnologiyaların rahatlığına diqqət yetirmək vacibdir.

Biz SMART CRM platformasının Stream Telecom telekommunikasiya operatoru ilə yeni inteqrasiyasını elan etməkdən məmnunuq. SMART Connector for Stream Telecom sizə əməliyyat xaosundan qurtulmağa və müştərilərlə ünsiyyətinizin keyfiyyətini yaxşılaşdırmağa kömək edəcək bir həlldir. Bu, zənglərin qəbulu və edilməsi proseslərini avtomatlaşdırmağa imkan verən və ən əsası, bu qarşılıqlı əlaqələrin tarixçəsini CRM sistemi ilə sinxronlaşdıran innovativ bir konnektordur.

Stream Telecom haqqında:

Stream Telecom 13 ildən artıqdır ki, yüksək keyfiyyətli IP telefoniya və müştəri dəstəyi ilə bağlı xidmətləri təklif edən telekommunikasiya operatorudur. Stream Telecom-un müştəri portfelinə BMW, Print24, MEGOGO, Brain mağazalar şəbəkəsi, Green Forest ingilis dili məktəbi, Centrocredit, TCM Group, KRAFT Deckensysteme, IVR Clinic kimi aparıcı Ukrayna şirkətləri daxildir.

SMART Connector for Stream Telecom müştərilərlə qarşılıqlı əlaqə qurmaq üçün hansı imkanlar təqdim edir?

• Zənglərin avtomatik yaradılması: Müştəri ilə danışıqlar zamanı sistem avtomatik olaraq SMART CRM və ya Dynamics 365 Sales/Customer Service-də telefon zənginin təfərrüatlarının telefoniyadan alınmasını təmin edərək zəng yaradır.
• Kommunikasiya proseslərinin avtomatlaşdırılması: İndi bütün qəbul olunan və edilən zənglər sistemdə avtomatik qeydiyyata alınacaq ki, bu da əl ilə görülən işləri əhəmiyyətli dərəcədə azaldır və səhvləri minimuma endirir.
• Zənglərin statuslar və məlumatlarının yenilənməsi: Sistem avtomatik olaraq zəng statuslarını yeniləyir və ətraflı məlumat əlavə edir. Bu da sizə hər zaman ən son hadisələrdən xəbərdar olmağa imkan verir.
• Zəngləri dinləmək imkanı: Müştəri xidmətinin keyfiyyətini artırmaq və əməkdaşların təlim prosesinin inkişafına kömək etmək məqsədilə bütün danışıq qeydlərini zəng bitdikdən sonra sistem daxilində dinləmək imkanı mövcuddur.
• Müştərilərin avtomatik identifikasiyası: Sistem avtomatik olaraq kontaktlar bazasından müştəriləri müəyyən edir. Əgər məlumatlar bazasında müştəri yoxdursa, avtomatik olaraq yeni kontakt yaradılır.
• Sadələşdirilmiş telefoniya: Qəbul olunan və edilən zənglərin asan və rahat idarə olunması məhsuldarlığı əhəmiyyətli dərəcədə artırır.
• Kommunikasiya tarixçəsinin saxlanılması: Müştərilərlə qarşılıqlı əlaqələrin tarixçəsi kontaktlar qeydlərində saxlanılır ki, bu da bütün qarşılıqlı əlaqələrin tam mənzərəsini təmin edir.

Müştərilərə fasiləsiz kommunikasiyanı təmin etmək üçün Stream Telecom xidməti ən müasir təhlükəsizlik yanaşma olan avadanlıq ehtiyatlarının geopaylanmasından istifadə edir. Bu, serverlərin dünya üzrə bir neçə məlumat mərkəzlərində yerləşməsi və bir-birini sığortalaması sayəsində mümkündür. Serverlərdən biri sıradan çıxan kimi, digəri onun işini dərhal öz üzərinə götürəcək. Bu, yüklərin bir serverdən digərinə sürətli və müştəri üçün hiss olunmayan şəkildə ötürülməsini təmin edir.

Nə üçün SMART Connector for Stream Telecom seçməyə dəyər?

• İnteqrasiya ilə bağlı aydın sənədləşmə
• Sadə ilkin sazlanma
• Konnektorun sürətli yerləşdirilməsi
• İnteqrasiya funksionallığının dəstəklənməsi və müntəzəm genişləndirilməsi
• Avadanlıq ehtiyatlarının geopaylanması sayəsində Stream Telecom xidmətinin stabil işləməsi.

SMART Connector for Stream Telecom necə qoşmaq olar?

Bütün qoşulma prosesi bir neçə mərhələdə baş verir:

• İstifadəçinin Stream Telecom xidmətində qeydiyyatı və bütün zəruri sazlanmaların edilməsi
• SMART CRM/Microsoft Dynamics 365-də avtorizasiya
• İnteqrasiya komponentlərinin quraşdırılması və konfiqurasiyası
• Sistemin təhlükəsizliyinin sazlanması – menecer və ya işçi qrupuna giriş hüquqlarının verilməsi
• Konnektorun işə başlaması

SMART Connector for Stream Telecom-un qoşulması və istifadəsi nə qədərdir?

Bir Microsoft Power Apps/Dynamics 365 mühitində istifadə üçün aylıq ödəniş 150 ABŞ dolları təşkil edir, menecerlərin sayı ilə məhdudiyyət yoxdur. Azure komponentlərinin tarifləri istehlaka əsasən hesablanır.

SMART CRM platformasının yeniliklərini bloqumuzda və ya Facebook səhifəmizdə izləyin və biznesinizi gücləndirə biləcək yeni funksiyaları qaçırmayın.

SMART CRM sizin biznes ehtiyaclarınız üçün uyğun olub-olmadığını anlamaq istəyirsiniz?  Sorğunuzu göndərin. Bizim mütəxəssislərimiz hər suallarınıza cavab verəcək və uyğun həlli seçməyinizə kömək edəcəklər.

Konsultasiya almaq